Trabalhi la vinha dins lo brageiraquès dempuèi l’atge de vint ans, e ai decidit de me presentar a las eleccions legislativas, sostenguda que soi per lo Partit Socialista, e al nom d’Euròpa Ecologia–Los Verds.

Vèni d’una familla nombrosa e païsana, coneissi lo prètz de l’esfòrç e del trabalh ; e ai analisat los desastres socials, ecologics, umans e, uèi, economics de la politica productivista, capitalista e financièra dels dètz ans passats.
Femna de conviccion, militanta de l’agricultura païsana per lo dreit a la sobeiranitat alimentara, cresi qu’un cambiament politic vertadièr passarà, per fòrça, per l’ecologia, lo respècte de çò que viu, la solidaritat. Es a travèrs las fonccions sindicalas qu’ai exerçadas qu’ai pogut me batre per aparar aquelas valors fondamentalas, talas que la laïcitat, l’escòla publica, la lucha per lo mantenement dels servicis publics, lo combat contre lo nuclear, los OGM, la salvagarda de la biodiversitat, lo sistèma de retirada per reparticion… combats que partejam, la familha socialista e Euròpa Ecologia-Los Verds e lo Partit Occitan.
Candidata venguda de la societat civila, vòli favorisar lo dialòg e l’escota per portar los cambiaments concrets destinats que lor tòca es lo melhorament de la vòstra vida vidanta.

Revirat Comitat Brageirac del POC