Bon anniversaire à la République de Toulouse !8 janvier 2009, par Jean-Charles Valadier

Mardi 6 janvier, j’étais présent au 820ème anniversaire de la République de Toulouse. Voici le discours (en occitan) que j’ai prononcé à cette occasion.

Adiussiatz a totis,

Aqueste 6 de genièr de 2009, fasem la celebracion de l’establiment de la comuna de Tolosa lo 6 de genièr de 1189.

Atal, los occitans e las occitanas que demoravan a Tolosa en aquel temps an bastit una faiçon politica de s’organizar entre : • un poder local representat pels capítols, que l’actuala comuna de Tolosa n’es la seguida • un poder comtal, que lo govern de Paris n’es la seguida.

Alavetz, tal coma la carta de 1189, uèi cal far avançar la democracia en aprigondissent la decentralizacion al nivèl nacional e la participacion dels ciutadans al nivel local.

En 2008, la comuna de Tolosa comencèt aqueste trabalh ambe l’aprigondiment de la democracia de proximitat ambe de conselhs de barris. Ara, nos cal totis prene en carga aquela democracia de barri, e particularament los tolosans que vòlon promòure la lenga ocitana.

Al nivèl de França tanplan, caldrà aprigondir la decentralizacion per tornar al federalisme d’origina de la republica francesa.

A Tolosa e en França tota, nos cal tornar a l’esperit d’aquel 6 de genièr de 1189, dins un esperit de convivència et de paratge que faguèt la fòrça de la civilizacion occitana d’aquela epòca.

Ne aprofièiti per precisar, que confòrme a sos engatjaments, la novèla municipalitat de Tolosa renfortìs la politica de la vila en matèria de lenga e de cultura occitanas. Al darrièr conselh municipal, avèm pres la decision de nomar un cargat de mission per la lenga ocitana. E lo conse de Tolosa, Peire Cohen acaba d’escriure a l’inspector d’academia per li demandar de dubrir d’escòlas bilengas sus la comuna.

Bona annada a totes.

Pour en savoir plus sur la République de Toulouse, je vous invite chaudement à consulter cette page : http://www.ostaldoccitania.net/articles.php ?lng=fr&pg=401